नेटफ्ल्क्सिको नेपाली फिल्म ‘फोर्टिन पिक्स’ बाफ्टा अवार्ड मनोनयनमा – Nepal Press

नेटफ्ल्क्सिको नेपाली फिल्म ‘फोर्टिन पिक्स’ बाफ्टा अवार्ड मनोनयनमा

काठमाडौं । कीर्तिमानी नेपाली आरोही निर्मल पूर्जामाथि नेटफ्ल्क्सिले निर्माण गरेको डकुमेन्ट्री ‘फोर्टिन पिक्स : नथिङ इज इम्पोसिबल’ बाफ्टा अवार्डमा मनोनित भएको छ ।

द ब्रिटिस एकेडेमी अफ फिल्म एन्ड टेलिभिजन आर्टस्ले सार्वजनिक गरेको २४ विधाको मनोनयनतर्फ उक्त फिल्मले डकुमेन्ट्री विधामा छानिएको हो । पूर्जाले संसारका १४ अग्ला हिमाल ६ महिनाभित्रै कसरी आरोहण गरेर विश्व कीर्तिमान राखे भन्ने चित्रण यसले गर्छ ।

बाफ्टाको डकुमेन्ट्री विधामा फोर्टिन पिक्ससहित १५ फिल्म छानिएका छन् । जसमध्ये बढी भोट पाउने पाँच फिल्म दोस्रो चरणमा प्रवेश गर्नेछन् । छानिने पाँच मध्येबाट पनि एकजना उत्कृष्ट हुनेछ ।

डकुमेन्ट्री विधाका १५ मनोनयनमध्ये फोर्टिन पिक्सलाई सुरुमै राखिएकाले यसले जित्ने अनुमान गर्न सकिन्छ । बाफ्टा अवार्ड आगामी मार्च १३ मा लन्डनमा आयोजना हुँदैछ ।

नेटफिल्क्सले गत मंसिर १३ गते संसारका आफ्ना २१ करोड दर्शकमाझ फोर्टिन पिक्स प्रिमियर गरेको थियो । ३१ भाषाबाट यो फिल्म स्ट्रिमिङ गरिएको थियो ।

फिल्मले नेटफिल्क्समा सर्वाधिक हेरिने डकुमेन्ट्रीको रेकर्ड राखेको थियो । पहिलो साता यसलाई १२.१७ मिलियन घण्टा हेरिएको थियो ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर