बेनिशाको फिल्म ‘ब्लाइन्ड रक्स’ नेपाल एयरलाइन्सका जहाजहरुमा – Nepal Press

बेनिशाको फिल्म ‘ब्लाइन्ड रक्स’ नेपाल एयरलाइन्सका जहाजहरुमा

काठमाडौं । नेपाल एयरलाइन्सका सबै उडानका यात्रुले नेपाली फिल्म ‘ब्लाइन्ड रक्स’ हेर्न पाउने भएका छन् । यसैसातादेखि राष्ट्रिय ध्वजाबाहक जहाजले यात्रुको मनोरञ्जनको लागि यस्तो निर्णय गरेको हो ।

एयरलाइन्सका सबै उडानमा फिल्म देखाउने गरी डिजिटल कम्पनी हाइलाइट्स नेपाल र नेपाल वायुसेवा निगमबीच सहमती भएको हो । सहमतीअनुसार निगमले आफ्ना सबै हवाइ रुटका यात्रुलाई फिल्म देखाउने भएको छ ।

यसअघि पनि हाइलाइट्स नेपालकै फिल्म छक्कापञ्जा २ लाई पनि निगमका जहाजमा देखाइएको थियो । सुवास इन्टरटेनमेन्टको फिल्म नोभेम्बर रेइनलाई पहिलोपटक जहाजमा देखाउन सुरु गरिएको थियो । त्यसयता नेपाली फिल्म पनि जहाजमा प्रदर्शन हुन थालेका हुन् ।

यसअघि वायुसेवा निगमले बलिउड र हलिउड फिल्मलाई मात्र आफ्ना यात्रुमाझ देखाउँदै आएको थियो ।

सन् २०१८ मा रिलिज भएको फिल्म ब्लाइन्ड रक्सलाई मिलन चाम्सले निर्देशन र निकेश लिम्बुले निर्माण गरेका हुन् । सृष्टि केसीको बायोपिक फिल्ममा बेनिशा हमालको मुख्य भूमिका छ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर