कांग्रेस सिरहा सभापतिमा यादवलाई पुन: अघि सार्ने देउवा समूहको घोषणा – Nepal Press

कांग्रेस सिरहा सभापतिमा यादवलाई पुन: अघि सार्ने देउवा समूहको घोषणा

जनकपुरधाम । नेपाली कांग्रेस सिरहाको नेतृत्वका लागि शेरबहादुर देउवा समूहले पुनः रामचन्द्र यादवलाई अघि सार्ने घोषणा गरेको छ ।

देउवा समूहबाट प्रदेश २ अध्यक्षमा निर्वाचित कृष्ण यादव, केन्द्रीय सदस्यद्वय रमेश रिजाल र दिनेश यादव आइतबार साँझ जिरोमाइलस्थित यादवको घर पुगेर यादवलाई सभापतिको उम्मेदवार घोषणा गरेका छन् । उनीहरूले आधिकारिक उम्मेदवार यादव नै रहेको भन्दै कसैको भ्रममा नपर्ने नेता कार्यकर्तालाई आग्रह गरे ।

योग्य व्यक्तिमात्र उम्मेदवार हुने भन्दै प्रदेश सभापति यादवले केन्द्र र प्रदेशमा जस्तै सिरहामा पनि देउवाको टिमले किल्ला गाड्ने दाबी गरे ।

संस्थापन पक्षले सभापतिका लागि उम्मेदवार घोषणा गरेका यादव वर्तमान सभापतिसाथै पूर्वसांसद पनि हुन् । अबको स्थानीय तहको निर्वाचनमा धनगढीमाई नगरपालिकाबाट मेयर चुनाव लड्ने घोषणा उनले यसअघि नै गरिसकेका छन् ।

पटक-पटक स्थगित भएको सिरहाको अधिवेशनको नयाँ मिति माघ १५ लाई तय भएको छ ।

प्रतिक्रिया

Leave a Reply

Your email address will not be published.

सम्बन्धित खवर