एमाले काभ्रेको अध्यक्षमा अशोक व्यञ्जु सर्वसम्मत, माओवादीबाट आएकी रिता उपसचिव निर्विरोध
नेपाल प्रेस
२०७८ पुष २४ गते १८:५४
काठमाडौं । नेकपा एमाले काभ्रेको जिल्ला अध्यक्षमा अशोक व्यञ्जु निर्विरोध निर्वाचित भएका छन् ।
धुलिखेल नगरपालिकाका मेयर समेत रहेका व्यञ्जु आज आज जिल्ला अधिवेशनबाट निर्विरोध निर्वाचित भएका हुन् । उनी नेपाल नगरपालिका संघका अध्यक्ष समेत हुन् ।
नेकपा विभाजन हुँदा उनी तत्कालिन समयमा केपी शर्मा ओली पक्षबाट अध्यक्ष बनेका थिए । एमाले विभाजनपछि पनि साविक अध्यक्ष टोपबहादुर वाइवा नेकपा एसतर्फ लागेपछि उनी नै अध्यक्ष थिए ।
यस्तै जिल्ला कमिटीको उपसचिवमा रिता ढकाल निर्विरोध चयन भएकी छन् । ढकाल तत्कालिन समयमा माओवादीबाट मण्डनदेउपुर नगरपालिकाको मेयरको उम्मेदवार थिइन् ।
नेकपा विभाजनपछि उनी माओवादी नफर्केर एमालेमा नै रहेकी थिइन् । अन्य पदमा भने निर्वाचन हुने भएको छ ।
नेपाल प्रेस
प्रकाशित: २०७८ पुष २४ गते १८:५४
प्रतिक्रिया
सम्बन्धित खवर
नेपाल अपडेट
ट्रेन्डिङ
लोकप्रिय (यो साता)
