प्रधानमन्त्री देउवा आइसोलेसनमा : एकसाता भेटघाट नगर्ने, भोलि पीसीआर परीक्षण हुँदै
नेपाल प्रेस
२०७८ पुष २४ गते १६:५७
फाइल तस्बिर
काठमाडौं । माओवादी अध्यक्ष प्रचण्डलाई कोरोनाभाइरस संक्रमण भएपछि प्रधानमन्त्री शेरबहादुर देउवा आजदेखि एकसाता आइसोलेसनमा बसेका छन् ।
प्रधानमन्त्रीको सचिवालयका उपसचिव जनकराज भट्टलाई उदृत गर्दै सरकारी मुखपत्र गोरखापत्रले देउवा आइसोलेसनमा बसेकाे जनाएकाे छ ।
प्रधानमन्त्रीको पीसीआर परीक्षण आइतबार हुने भएको छ । दुई दिनअघि बालुवाटारमा बसेको उच्चस्तरीय राजनीतिक संयन्त्रमा प्रचण्डसहित देउवा सहभागी थिए ।
आइसोलेशनमा बस्नु अघि शनिबार बिहान मात्र प्रधानमन्त्री देउवाले प्रमुख प्रतिपक्षी दलका नेता नेकपा (एमाले) अध्यक्ष केपी ओलीसँग करिब एक घण्टा वार्ता गरेका थिए ।
प्रचण्डसँग उक्त बैठकमा सहभागी सत्तारुढ दलका १० भन्दा बढी नेतालाई स्वास्थ्य मन्त्रालयले कन्ट्याक्ट ट्रेसिङमा राखेको छ । प्रचण्ड र नारायणकाजीसहित माओवादीका १० जनाभन्दा बढी नेता संक्रमित भएका छन् ।
नेपाल प्रेस
प्रकाशित: २०७८ पुष २४ गते १६:५७
प्रतिक्रिया
सम्बन्धित खवर
