युवा संघको महाधिवेशनको मिति तय, माघ महिनाभर वडादेखि प्रदेशसम्मका अधिवेशन – Nepal Press

युवा संघको महाधिवेशनको मिति तय, माघ महिनाभर वडादेखि प्रदेशसम्मका अधिवेशन

काठमाडौं । नेकपा एमालेनिकट राष्ट्रिय युवा संघ नेपालको नवौं महाधिवेशन आगामी फागुन ११ देखि १३ सम्म आयोजना हुने भएको छ ।

पार्टीले जनसंगठनहरुलाई फागुनभित्र महाधिवेशन सम्पन्न गर्न डेडलाइन दिएकाले महाधिवेशनको मिति तय भएको हो ।

हालै बसेको युवा संघको कार्यालय समिति बैठकले प्रदेश २ मा महाधिवेशन आयोजना गर्ने निर्णय लिएको र यसलाई आगामी सचिवालय बैठकले अनुमोदन गर्ने बरिष्ठ उपाध्यक्ष क्षितिज थेबेले जानकारी दिए ।

युवा संघको सचिवालय बैठक पुस २८ र २९ गते पोखरामा हुने भएको छ । सोही बैठकले महाधिवेशनको निर्णय गर्नुका साथै आयोजक कमिटी घोषणा गर्ने थेबेले नेपाल प्रेसलाई बताए ।

युवा संघ महाधिवेशन अगाडि माघ ७ मा देशभर वडा अधिवेशन, माघ १५ मा पालिकास्तरका अधिवेशन र माघ २२ मा जिल्ला अधिवेशन आयोजना हुने भएका छन् । त्यस्तै माघ २९ गते प्रदेशहरुमा अधिवेशन गरेर महाधिवेशनमा लाग्ने उपाध्यक्ष अमित लामाले बताए ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर