नेपाली कामदारका लागि इजरायलको हवाइ भाडादर ६० हजार
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2022/01/serail.jpg)
काठमाडौं । इजरायलका दीर्घकालीन स्याहार केन्द्रमा सहायक कामदारमा जाने नेपालीका लागि हवाइ भाडादर ५९ हजार ९९० रुपैयाँ कायम गरेको छ । कामदार आँफैले बुझाउनु पर्ने एक तर्फकाे भाडा वैदेशिक रोजगार विभागले प्रतिस्पर्धाबाट कायम गराएको हो ।
नेपाल र इजरायल सरकारबीच भएको श्रम सम्झौता अनुसार इजरायलमा दीर्घकालीन स्याहार केन्द्रमा ११७५ नेपालीलाई सहायक कामदारमा लग्ने तयारी गरेको छ ।
नेपाली कामदारका लागि हवाइ भाडादरको आठ वटा कम्पनीले प्रस्ताव पेश गरेका थिए । यी मध्ये सबै भन्दा कम सी लिंक होलिडे प्रालिले हवाइ उडानको जिम्मा पाएको विभागले जनाएको छ ।
कम्पनीले एक पटक ट्रान्जिट गरी त्रिभुवन अन्तरर्राष्ट्रिय विमानस्थलबाट इजरायलको बेन गुरियन विमानस्थलसम्म कामदारलाई पुर्याउने सम्झौता गरेको छ ।
कामदर ठगिनबाट बचाउन विभागले सस्तोदरमा टिकटको व्यवस्थापन गरेको विभागका लेखा अधिकृत रमा पोखरेलले बताइन् ।