राष्ट्रियसभा निर्वाचन : प्रदेश २ मा गठबन्धन र लोसपाको मनोनयन, एमालेको बाँकी

जनकपुरधाम । राष्ट्रियसभा निर्वाचनको लागि प्रदेश २ मा एमाले बाहेकका दलले मनाेनयन दर्ता गराएका छन् । अहिलेसम्म एमालेका उम्मेदवारले दर्ता गराएका छैनन् ।

लोकतान्त्रिक समाजवादी पार्टी (लोसपा), जनता समाजवादी पार्टी जसपा र नेकपा माओवादी केन्द्रका उम्मेदवारले मनोनयन दर्ता गराएका हुन् ।

लोसापाबाट महोत्तरीकी रुपा यादव र सप्तरीका श्याम सुन्दर सरदारले उम्मेदवारी दर्ता गराएका हुन् । सरदार प्रदेश २ दलित विकास समितिका सदस्य भएकाले उम्मेदवार बन्न नपाउने भनिएपनि उनी उम्मेदवारी दिएको बुझिएको छ ।

यस्तै जसपाबाट सिरहाका खालिद सिद्दिकीले उम्मेदवारी दर्ता गराएका छन् । मुख्यमन्त्री लालबाबु राउतलगायतका नेताहरुले सिद्दिकीलाई लिएर उम्मेदवारी दर्ता गराउन पुगेका थिए । उनले धेरै अन्तरले जित्ने पनि बताए ।

माओवादीबाट पर्साकी उर्मिला अर्याल उम्मेदवारी दर्ता गराएकी छन् । प्रदेश २ मा भने काँग्रेसले उम्मेदवारी दिएनन् । सत्तारुढ नेपाली काँग्रेस, नेकपा माओवादी केन्द्र र जसपाबीच गठबन्धन बनेको छ ।

नेकपा एमालेको विवरण आउँन बाँकी छ ।