अमेरिकामा एकैदिन १० लाखभन्दा बढी संक्रमित

न्यूयोर्क । कोरोनाभाइरसको नयाँ भेरिएन्टले अमेरिकालाई चपेटामा पारेको छ । एकैदिनमा मात्र अमेरिकामा १० लाख कोरोना संक्रमित थपिएका छन् । जोन हप्किन्स युनिभर्सिटीले सार्वजनिक गरेको डेटामा आइतबार अमेरिकामा १० लाख कोरोना संक्रमित थपिएको उल्लेख छ ।

मंगलबार राष्ट्रपति जो बाइडेन र उपराष्ट्रपति कमला ह्यारिसले बढ्दो भाइरस संक्रमणलाई लिएर आगामी रणनीति तय गर्ने योजना बनाएका छन् ।

अमेरिकी फुड एन्ड ड्रग एड्मिनिस्ट्रेसनले सोमबार १२ देखि १५ वर्ष उमेर समूहका बालबालिकालाई कोरोनाको बुस्टर डोज दिइने जनाएको छ ।