‘आरआरआर’ फिल्म रिलिज पोस्टपोन्ड

नेपाल प्रेस

२०७८ पुष १७ गते १७:३७

काठमाडौं । एसएस राजामौली निर्देशित फिल्म ‘आरआरआर’को प्रदर्शन मिति पोस्टपोन्ड भएको छ । आगामी शुक्रबार रिलिज हुने भनिएको फिल्म पोस्टपोन्ड भएको जानकारी निर्देशक राजामौलीले दिएका छन् ।

विज्ञप्ति जारी गर्दै उनले कोरोनाभाइरसको नयाँ भेरिएन्ट ओमिक्रोन संक्रमण बढिरहेको स्थिती र हलहरु क्रमशः बन्द हुँदै गएकाले फिल्मलाई पोस्टपोन्ड गर्नुपरेको जनाएका छन् ।

उचित समयमा फिल्मको प्रदर्शन मिति घोषणा गरिने जनाइएको छ । ‘सहि समयमा हामीले भारतीय सिनेमाको गौरवलाई फिर्ता गर्नेछौं’ विज्ञप्तिमा उल्लेख छ ।

बाहुबली फेम्ड निर्देशक राजामौलीको यो फिल्म नेपालमा समेत बहुप्रतीक्षित थियो ।