पहिलो बैठकमा शेखर सहभागि नहुने

काठमाडौं । नेपाली कांग्रेसका नेता डा. शेखर कोइराला केन्द्रीय समितिको पहिलो बैठकमा अनुपस्थित हुने भएका छन् ।

सभापति शेरबहादुर देउवाले १४ औं महाधिवेशनबाट निर्वाचित केन्द्रीय समितिको पहिलो बैठक शनिबार बोलाएका छन् ।

पूर्व निर्धारित कार्यक्रमका लागि चितवन पुगेका कारण शेखर पहिलो बैठकमा सहभागि हुन नसक्ने भएका हुन् ।

कांग्रेस विधान अनुसार सभापति पदको निकटतम प्रतिस्पर्धी रहेका कारण उनी स्वतः केन्द्रीय सदस्य हुन्छन् ।

कांग्रेस विधानको दफा ६५ मा ‘पार्टीको सबै तहको कार्यसमितिको सभापति पदको निर्वाचनमा निर्वाचित सभापतिपछि दोस्रो बढी मत प्राप्त गर्ने व्यक्ति सम्बन्धित कार्यसमितिको सदस्य हुने’, प्रावधान रहेको छ । यही प्रावधान अनुसार शेखर स्वतः कांग्रेस केन्द्रीय सदस्य हुन् ।