त्रिविको चेतावनीपूर्ण सूचनापछि सरस्वती क्याम्पसका उपप्राध्यापक गुरागाईद्वारा राजीनामा
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2021/12/sarsoti-campus-pramodhari-guragai.jpg)
काठमाडौं । सरस्वती बहुमुखी क्याम्पसका उपप्राध्यापकबाट प्रमोदहरि गुरागाईले राजीनामा दिएका छन् ।
मानवशास्त्र विभागमा कार्यरत गुरागाईले आफूले उक्त पदमा रहेर त्रिवि सेवालाई निरन्तरता दिन अनुपयुक्त मनन गरी राजीनामा पेस गरेको राजीनामा पत्रमा उल्लेख गरेका छन् ।
हालैमात्र त्रिभुवन विश्वविद्यालयले राजनीतिक दलको उम्मेदवार तथा प्रतिनिधि नबन्न शिक्षक तथा कर्मचारीलाई सचेत गराएको थियो । महाधिवेशन वा विधान अधिवेशनमा प्रतिनिधिको रूपमा भाग लिएको भनी समाचारहरू सार्वजनिक भएको भन्दै त्रिविले त्यस्ता कर्मचारी तथा शिक्षकलाई विभागीय कारबाही अघि बढाउने चेतावनीसमेत दिएको छ ।
गुरागाईले नेपाली कांग्रेसको १४औं महाधिवेशनमा केन्द्रीय सदस्यमा उम्मेदवारी दिएका थिए । शेखर कोइराला प्यानलबाट उठेका गुरागाई महाधिवेशनमा पराजित भए ।