माओवादीले राष्ट्रिय सम्मेलनमा विदेशी पाहुनालाई नबोलाउने
![](https://www.nepalpress.com/wp-content/uploads/2020/11/nepalpress-logo-n.png)
२०७८ पुष ८ गते ११:३७
![](https://www.nepalpress.com/wp-content/uploads/2021/12/krishna-mahara.jpg)
काठमाडौं । आइतबारदेखि काठमाडौंमा सुरु हुने राष्ट्रिय सम्मेलनमा नेकपा माओवादी केन्द्रले देश तथा विदेशबाट पाहुनालाई नबोलाउने भएको छ । आयोजित पत्रकार सम्मेलनमा प्रवक्ता कृष्णबहादुर महराले अधिवेशन नभई राष्ट्रिय सम्मेलन भएकाले पाहुना नबोलाइने बताए ।
तर, दुई ठूला दल कांग्रेस र एमालेले चाहिँ पछिल्ला महिनाहरुमा भएका महाधिवेशनहरुमा विदेशी पाहुनालाई बोलाएका थिए । माओवादी केन्द्रको राष्ट्रिय सम्मेलन पुस ११ देखि १३ गतेसम्म काठमाडौंमा हुँदैछ । सम्मेलनमा एक हजार ५३३ जना प्रतिनिधि सहभागी हुने जनाइएको छ ।
प्रतिक्रिया