कांग्रेसको मतगणना आज सकिँदै, ३७ केन्द्रीय सदस्यको छिनोफानो बाँकी

काठमाडौं । नेपाली कांग्रेसको नयाँ केन्द्रीय समितिको लागि भएको निर्वाचनको मतगणना अन्तिम चरणमा पुगेको छ । कांग्रेसको केन्द्रीय निर्वाचन समितिले आज बेलुकीसम्म अन्तिम मतपरिणाम सार्वजनिक हुने जनाएको छ ।

अब खसआर्य खुल्ला र महिला, जनजाति खुल्ला र महिला तथा दलित खुल्ला र महिला तर्फका केन्द्रीय सदस्यहरूको मतगणनामात्रै बाँकी छ । कांग्रेस केन्द्रीय कार्यालय सानेपामा ती सबै क्लष्टरको मतगणना भइरहेको छ ।

कांग्रेस विधानअनुसार खसआर्य खुल्लामा ७ जना, खसआर्य महिलामा ६ जना , आदिवासी जनजाति खुल्लामा ८ जना, आदिवासी जनजाति महिलामा ७ जना, दलित खुलामा ५ जना र दलित महिलामा ४ जना केन्द्रीय सदस्य निर्वाचित हुनेछन् । जारी मतगणनाको प्रारम्भिक नतिजामा सबै क्लष्टरको अधिकांश पदमा सभापति शेरबहादुर देउवा प्यानलका उम्मेदवारहरुले अग्रता दिएका छन् ।

कांग्रेसमा नयाँ कार्यसमिति चयनका लागि मंसिर २७ गते निर्वाचन भएको थियो । हालसम्म पदाधिकारीसहित ९७ जना निर्वाचित भइसकेका छन् ।