कांग्रेसका ‘टप टेन फिगर’ – रामहरीले रमेश लेखकलाई टप्दा कसको स्थान कहाँ ?

काठमाडौं । नेपाली कांग्रेसको ३५ खुला केन्द्रीय सदस्यतर्फको मतगणना अन्तिम चरणमा पुग्दै गर्दा जिततर्फ अग्रसर केन्द्रीय सदस्यहरुको मोटामोटी आँकलन हुन थालेको छ ।

सुरुदेखिनै ‘टप टेन’ सूचीमा रहेका नेताहरु लगभग यथावत रहे पनि उनीहरुबीच तलमाथि भने जारी छ । यसअघि ३ हजार मत गन्दा पाँचौ नम्बरमा रहेका रमेश लेखकलाई ३५ सय गनिसक्दा रामहरी खतिवडाले टपेका छन् ।

खतिवडा टप फाइभमा परेसँगै अरु नेताको पनि मत तलमाथि भएको छ । यसअघि नवौं नम्बरमा रहेका अर्जुन नरसिंह केसी दशौंमा झरेका छन् भने शंकर भण्डारीको पनि मत घटेको छ ।

संस्थापन इतर समूहबाट अर्जुन नरसिंह केसीमात्र टप टेनमा परेका छन् । शशांक कोइराला शेरबहादुर देउवाको प्यानलमा पनि थिए ।