मतदानअघि गगनको आह्वान- नेतृत्व परिवर्तनका लागि असाधारण निर्णय गरौं

काठमाडौं । नेपाली कांग्रेसका नेता एवं महामन्त्रीका उम्मेदवार गगन थापाले पहिलो चरणको निर्वाचनमा व्यक्त अभिमतले नेतृत्व परिवर्तनको अभियानलाई अनुमोदन गरेको बताएका छन् ।

१४ औं महाधिवेशनअन्तर्गत सभापतिका लागि दोस्रो चरणको निर्वाचन हुनुपूर्व अपील जारी गर्दै थापाले पार्टी नेतृत्व परिवर्तनका लागि असाधारण निर्णय लिन महाधिवेशन प्रतिनिधिहरूलाई आह्वान गरेका छन् ।

महाधिवेशनलगत्तै सुरू हुने तीनै तहको निर्वाचनका लागि कांग्रेस नेतृत्वमा परिवर्तन आवश्यक रहेको थापाले उल्लेख गरेका छन् ।

‘संविधान कार्यान्वयनको सफल नेतृत्व गर्न, राजनीतिमा देखिएका अनेकन वेथितिको अन्त्य गर्न र पार्टीलाई विधि र थितिमा वदल्न पनि नेतृत्वमा परिवर्तन अपरिहार्य छ । के अहिलेकै शैली र नेतृत्वको निरन्तरताबाट त्यो भूमिका संभव होला त ? हामी सँग धेरै अलमल गर्ने समय छैन, तत्काल हामीले निर्णय लिनुपर्नेछ ’, उनले भनेका छन् ।

थापाको आह्वानको पूर्णपाठ –