कट्रिना-विक्की बिहेको सुरक्षाको जिम्मा सलमानका बडिगार्ड शेरालाई

मुम्बइ । बलिउड जोडी कट्रिना क्याफ र विक्की कौशलको बिहे कार्यक्रम आजदेखि राजस्थानमा सुरु भएको छ । आज बेलुका संगीत सेरेमोनी पनि हुनेछ । बिहेमा भाग लिन बलिउड सेलेब्स त्यहाँ पुग्ने क्रम चलिरहेको छ ।

बिहेको मुख्य कार्यक्रम चाहिँ ९ डिसेम्बरमा हुनेछ । पछिल्लो बलिउड खबरअनुसार कट्रिनाको बिहेमा उनका निकट साथी मानिने सलमान खानले पनि सघाइरहेका छन् ।

वेडिङ भेन्यूको सुरक्षाको जिम्मा सलमानका अंगरक्षक शेरालाई जिम्मा दिइएको छ । शेरा सेक्युरिटी कम्पनीका संचालक समेत हुन् । साथै यो बिहेका लागि देशबिदेशदेखि सब्जी तरकारी पनि लगिएको छ ।

कट्रिना र विक्कीको बिहे थलो सिक्स सेन्सेस फोर्डको जिम्मा शेराको सेक्युरिटी कम्पनीले लिएको छ । उक्त भेन्युमा केही बलिउड कलाकार र भीआइपी पाहुना पनि उपस्थित हुने भएका छन् । यसकारण शेराको कम्पनीबाहेक बरवाडा प्रहरीको पनि सहयोग मागिएको छ ।

यो बिहेका लागि विदेशबाट समेत सागसब्जी मगाइएको छ । थाइल्यान्डबाट पनि विभिन्न प्रजातिका सब्जी अर्डर गरिएको छ । पालक र गोभी पनि कर्नाटकबाट मगाइएको छ ।