ओमिक्रोन भेरिएन्ट त्रास : भारतद्वारा विदेशी यात्रुको लागि नयाँ मापदण्ड लागू – Nepal Press

ओमिक्रोन भेरिएन्ट त्रास : भारतद्वारा विदेशी यात्रुको लागि नयाँ मापदण्ड लागू

नयाँ दिल्ली । कोरोनाभाइरसको नयाँ भेरिएन्ट ‘ओमिक्रोन’ फैलिएपछि भारतले देश प्रवेश गर्नेहरुका लागि नयाँ नियम लागू गरेको छ । विदेशबाट आउने अन्तर्राष्ट्रिय यात्रुको हकमा भारतले कोरोना संक्रमण हुन नदिन नयाँ मापदण्डहरु सार्वजनिक गरेको हो । नयाँ मापदण्ड निम्न छन् :

१) भारत आउने हरेक अन्तर्राष्ट्रिय यात्रुले ‘सेल्फ-डिक्लेरेसन’फारम भर्नु पर्छ र पीसीआर परीक्षण रिपोर्ट नेगेटिभ देखाउनु पर्छ । यी दुई सर्तहरू पूरा नभएमा उनीहरू भारत प्रवेश गर्न पाउँदैनन् ।

२) दक्षिण अफ्रिका जस्ता ‘जोखिममा रहेका’ राष्ट्रहरूबाट आउनेले भारत पुगेपछि पीसीआर परीक्षणको लागि नमूनाहरू दिनु पर्छ। जो कोही पनि पोजिटिभ पाइयो भने क्वारेन्टाइनमा राखिनेछ र नमूनालाई जीनोम सिक्वेन्सिङका लागि पठाइनेछ – एक विधि जसले जीवको मेकअप जाँच गर्दछ। यदि व्यक्ति ‘ओमिक्रोन’ स्ट्रेनबाट संक्रमित छ भने, उसलाई छुट्टै नियमहरू लागू हुनेछ ।

३) जोखिम राष्ट्रबाट आएकाहरूको रिपोर्ट नेगेटिभ छ भने सात दिनको लागि होम आइसोलेशनमा बस्नुपर्छ र उनीहरुको ८ दिनमा पुनः परीक्षण गरिने छ ।

४) जोखिम नभएका देशबाट आएकोले पीसीआर परीक्षण गर्नुपर्छ । यदि पोजेटिभ देखिएका जो कोहीको नमूनालाई जिनोम सिक्वेन्सिङका लागि पठाइनेछ र उक्त व्यक्तिलाई क्वारेन्टाइनमा राखिनेछ ।

५) जोखिममा नभएका देशहरूबाट आएका र जसको नमूनाहरू नेगेटिभ आएकाहरूलाई कम्तिमा दुई हप्तासम्म निगरानी निगरानी गरिने छ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर