हाम्रो विद्रोह जायज थियो भन्ने चितवनको तमासाले पुष्टि गर्‍यो : माधव नेपाल (भिडिओ) – Nepal Press

हाम्रो विद्रोह जायज थियो भन्ने चितवनको तमासाले पुष्टि गर्‍यो : माधव नेपाल (भिडिओ)

काठमाडौं । नेपाल कम्युनिष्ट पार्टी एकीकृत समाजवादीका अध्यक्ष माधवकुमार नेपालले एमालेले अब कम्युनिष्ट आन्दोलनमा योगदान गर्न नसक्ने बताएका छन् ।

राष्ट्रिय जनसांस्कृति महासंघको कार्यक्रममा बोल्दै अध्यक्ष नेपालले कम्युनिष्ट आन्दोलन जोगाउनकै लागि आफूहरूले एमालेबाट विद्रोह गरेको बताए । उनले एमालेमा विद्रोहको आवश्यकता थियो भन्ने तथ्य चितवनबाट पुष्टि भएको बताए ।

‘हामीले एमालेबाट किन विद्रोह गर्‍यौं भनेर भन्नै नपर्ने भयो । चितवनको तामासा नै पर्याप्त छ । त्यहाँ फरक मत राख्ने व्यक्तिमाथि जसरी अपमान भइरहेको छ, त्यो नै पर्याप्त छ । जबजको गफ हाँक्ने, कुनै जनवादी अधिकार प्रदान नगर्ने र आदेशको मात्रै पालना गराउने प्रवृत्तिले स्पष्ट पार्छ कि अब एमाले दक्षिणपन्थी बाटोमा गइसकेको छ’, नेपालले भने ।

उनले एमालेको प्रशंसा विदेशी दलालले मात्रै गर्नसक्ने भन्दै राप्रपाको महाधिवेशनमा एमाले नेतृत्वको उच्च प्रशंसा हुनु शोभनीय नभएको बताए । संविधान मास्न चाहने शक्तिहरूबाट मुलुकलाई मुक्ति दिलाउन ५ दलीय गठबन्धन गरेको भन्दै अध्यक्ष नेपालले कम्युनिष्ट आन्दोलनका उपलब्धी जोगाउन चाहनेहरू एकीकृत समाजवादीमा आउनुपर्ने बताए ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर