कर्णालीबाट महिलातर्फका केन्द्रीय सदस्यमा तीनैजना निर्विरोध

काठमाडौं । नेकपा एमालेको जारी महाधिवेशनबाट नयाँ नेतृत्वका लागि कर्णाली प्रदेशबाट महिलातर्फका तीनै जना उम्मेदवार निर्विरोध केन्द्रीय कमिटीमा पुगेका छन् ।

केन्द्रीय निर्वाचनद्वारा सार्वजनिक प्रारम्भिक सूचीअनुसार कर्णालीबाट तीर्था गौतम, मीनासिंह रखाल र मोहनमाया ढकाल निर्विरोध भएका हुन् ।

निर्विरोध महिला केन्द्रीय कमिटी सदस्यको घोषणा भने औपचारिक रुपमा केन्द्रीय निर्वाचन आयोगले गरिसकेको छैन ।

पुरुषतर्फका ६ जनाको कोटाका लागि सातजनाको उम्मेदवारी परेको छ ।

जसअनुसार गुलाबजंग शाह, डम्बरबहादुर सिंह, धर्मराज रेग्मी, नागिन्द्र शाही (नेशनल), निरज आचार्य, योगेन्द्रबहादुर शाही, विष्णु रिजालबीच ६ कोटाका लागि प्रतिस्पर्धा हुनेछ ।

सातमध्ये एकजनाले पनि समयसीमाभित्र उम्मेदवारी फिर्ता लिएनन् भने कर्णालीमा पुरुष केन्द्रीय सदस्यका लागि प्रतिस्पर्धा हुनेछ ।