गुल्मी कांग्रेसको मतगणना स्थगित, मतपत्रमा संकेत गरेको देउवा पक्षको आरोप – Nepal Press

गुल्मी कांग्रेसको मतगणना स्थगित, मतपत्रमा संकेत गरेको देउवा पक्षको आरोप

रुपन्देही । कांग्रेस गुल्मीमा नयाँ नेतृत्वका लागि भएको निर्वाचनको मतगणना रोकिएको छ । पौडेल पक्षकाले मतपत्रमा संकेत लगाएर कार्यकर्तालाई झुक्काएको भन्दै देउवा पक्षले बहिष्कार गरेपछि गएरातिदेखि मतगणना कार्य रोकिएको हो ।

धाँधली गरिएको भन्दै देउवा पक्षले पुनः मतदानको माग गरेका छन् । आइतबार पत्रकार सम्मेलन गर्दै संस्थापन पक्षका जिल्ला सभापतिका उम्मेदवार वेदबहादुर थापा मगरले जिल्लाभर पुन: मतदान सुरू गर्न माग गरे ।

सभापतिका अर्का दाबेदार खिलध्वज पन्थीले छापामार शैलीमा गतिविधि गरेको उनको आरोप छ । पन्थी रामचन्द्र पौडेल पक्षका हुन् । निर्वाचन प्रक्रिया जबरजस्ती अगाडि बढाउन खोजे आफूहरूले अवरुद्ध गर्नेसमेत उनले चेतावनी दिए ।

निर्वाचन प्रक्रियामा कम्तीमा तीन दिनअघि मतदातालाई जानकारी हुनुपर्ने भए पनि त्यसको ठीकविपरीत पन्थीले मतपत्रमा संकेत गरेको थापाको आरोप छ ।

कांग्रेसका सभापति भुवन श्रेष्ठले अहिले दुवै पक्षलाई राखेर छलफल भइरहेको र छिट्टै कुनै विकल्पमा अगाडि बढ्ने नेपाल प्रेसलाई बताए ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर