शुक्रबार २ सय संक्रमित थपिदाँ २ जनाको मृत्यु

काठमाडौं । पछिल्लो २४ घण्टामा मुलुकमा २७० जना कोरोना संक्रमित थपिएका छन् । शुक्रबार देशभर गरिएको ७ हजार ८२९ पीसीआर र २ हजार ६१७ जनाको एन्टीजेन परीक्षणका क्रममा २७० जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।

सोही अवधिमा ३०२ जना संक्रमित निको भएका छन् भने २ जनाले ज्यान गुमाएका छन् ।

मन्त्रालयका अनुसार अहिलेसम्म ७ हजार २८७ जना सक्रिय संक्रमित छन्।

अहिलेसम्म देशभर निको हुनेको संख्या ८ लाख १ हजार ७२२ पुगेको छ । यो सँगै कुल संक्रमितको संख्या ८ लाख २० हजार ५२७ जना पुगेको छ।

हालसम्म कोरोना संक्रमणबाट मृत्यु हुनेको संख्या ११ हजार ५१८ पुगेको छ। हाल ९८ जना क्वारेन्टाइनमा छन्। १७५ जना आइसीयू र ३३ जना भेन्टिलेटरमा रहेको मन्त्रालयले जनाएको छ।