प्रचण्डलाई ओलीको कटाक्ष- नातिनीहरूले बेलायतमा शिक्षा पाएका छन्, खुसी लाग्छ (भिडिओ) – Nepal Press

प्रचण्डलाई ओलीको कटाक्ष- नातिनीहरूले बेलायतमा शिक्षा पाएका छन्, खुसी लाग्छ (भिडिओ)

काठमाडौं । नेकपा एमालेका अध्यक्ष केपी शर्मा ओलीले माओवादीले ‘महान जनयुद्ध’ भनेर युवाहरूलाई ठगेको आरोप लगाएका छन् । माओवादी नेताले जनताका छोराछोरीलाई युद्धमा होमेर आफ्ना सन्तानलाई विदेशमा पढाएको भन्दै उनले कटाक्ष गरे ।

माओवादी अध्यक्ष प्रचण्डलाई लक्षित गर्दै ओलीले उनका दुवै नातिनीहरुले बेलायतमा शिक्षा पाएकोमा आफूलाई खुशी लाग्ने बताए ।

ओलीले भने, ‘राम्रो कुरा हो, उहाँका दुवै छोरीका छोरीहरू बेलायतमा पढ्छन् । एकदम खुशीको कुरा हो । भरतपुरकी छोरीको पनि पढ्छिन् अर्कीको पनि । नातिनीहरुले राम्रो शिक्षा पाएका छन् खुशी लाग्छ ।’

उनले थपे, ‘तर सुखमय जिन्दगी तिनको मात्रै नबनोस । अरुका छोराछोरीलाई बर्बाद गरिदिने, उल्क्याएर देशलाई द्वन्द्वमा फसाइदिने । कत्तिका कोख रित्तिए ? कतिका सिउँदो पुछिए ? के यो ठीक हो ? ’

प्रतिक्रिया

Leave a Reply

Your email address will not be published. Required fields are marked *

सम्बन्धित खवर