‘स्पाइडरम्यान’ पुस २ मा काठमाडौंमा रिलिज हुँदै, हेर्नूस् ट्रेलर

काठमाडौं । मार्भल सिनेम्याटिक युनिभर्सको २७ औं फिल्म ‘स्पाइडरम्यान : नो वे होम’ आगामी पुस २ गते नेपालमा रिलिज हुने भएको छ ।

कोरोना महामारीले यसअघि दुईपटक रिलिज स्थगित गरेको फिल्मले अन्ततः प्रदर्शन मिति तय गरेको फिल्मको नेपाल वितरक एप्पल इन्टरटेनमेन्टले जनाएको छ ।

टम हल्यान्ड र जेन्डायाको मुख्य भूमिका रहेको फिल्म सोही मितिमा भारतमा समेत प्रदर्शन हुने भएको छ । बुधबारै फिल्मले नयाँ पोस्टर र ट्रेलर समेत लन्च गरेको छ ।

नेपालमा स्पाइडरम्यान श्रृंखलाको रामो फ्यान फलोइङ भएकाले पनि यो फिल्म नेपाली दर्शकमाझ प्रतीक्षित बनेको छ । यसअघि एप्पलले स्पाइडरम्यानका प्रत्येक श्रृंखलाको काठमाडौं प्रिमियर गथ्र्यो तर, यसपटक भने नहुने जनाइएको छ ।