बीजेपी उपाध्यक्ष एवं राजस्थानकी पूर्वमुख्यमन्त्री वसुन्धरा पशुपतिमा
काठमाडौं । भारतीय राजनीतिज्ञ एवम् राजस्थानका पूर्व मुख्यमन्त्री वसुन्धरा राजे सिन्धियाले सोमबार पशुपतिनाथ मन्दिरको दर्शन गरेकी छन् ।
पशुपति र गुहेश्वरी मन्दिर दर्शन गरेको जानकारी दिँदै उनले ट्वीट गरेकी छिन्, ‘नेपालस्थित शक्तिपीठ गुह्येश्वरी मन्दिरमा शिर निहुराएपछि पशुपतिनाथ मन्दिरको दर्शन गर्ने सौभाग्य प्राप्त भयो। युनेस्कोको विश्व सम्पदा क्षेत्र वाग्मती नदीको किनारमा अवस्थित यो मन्दिर सनातन र बौद्ध वास्तुकलाको अद्भुत मिश्रण हो, जसको भ्रमण गर्न पाउँदा म गर्व महसुस गरेको छु ।
वसुन्धारा तत्कालिन भारतीय प्रधानमन्त्री अटल बिहारी वाजपेयीको केन्द्रीय मन्त्रिपरिषद्की सदस्य थिइन् भने उनी सत्तारुढ भारतीय जनता पार्टीकी राष्ट्रिय उपाध्यक्ष पनि हुन् ।