रारा पुगेपछि राजदूतहरुले भने : जलवायु संकटविरुद्ध लड्न हामी नेपालसँगै छौं (तस्बिरहरु)

काठमाडौं । नेपालमा जलवायु संकटको असरबारे अध्ययन गर्न तीन देशका राजदूतहरु यतिबेला रारा ताल पुगेका छन् ।

अमेरिकी राजदूत र्‍यान्डी बेरी, बेलायती राजदूत निकोला पोलिट र अष्ट्रेलियाली राजदूत फेलिसिटी भल्क नेपालको प्रमुख पर्यटकीय स्थल भ्रमण गरिरहेका छन् ।

राजदूत बेरीले मुगुस्थित रारा तालका दृश्यहरुलाई नियाल्दै नेपाल प्राकृतिक सम्पदाले सम्पन्न रहेको बताएका छन् । राजदूतहरुले राष्ट्रसंघीय जलवायु सम्मेलन (कोप–२६)मा जलवायु परिवर्तनका असरसँग लड्ने नेपालको प्रतिबद्धतामा सघाउने वचन पनि दिएका छन् ।

अवलोकनको क्रममा जलवायु परिवर्तनको विनाशलाई रोक्नको लागि विश्वव्यापी र व्यक्तिगत स्तरमा तत्काल परिवर्तनहरू गर्न आवश्यक रहेको राजदूतहरुले बताएका छन् । यात्राको क्रममा प्लास्टिक प्रयोग नगर्ने र शाकाहारी आहार खाने आफूहरुको प्रतिबद्धता रहेको पनि राजदूत बेरीले उल्लेख गरेका छन् । हेर्नूस तस्बिरहरु :