२४ वटा अस्पतालमा बालबालिकासहितका दीर्घरोगीलाई फाइजर खोप लगाइँदै (तस्बिरहरु)

काठमाडौं । आइतबारदेखि देशभर १२ वर्षदेखि १८ वर्षका बालबालिकासहितका दीर्घरोगीलाई कोभिड-१९ विरुद्ध फाइजर खोप लगाउन थालिएको छ । यो खोप अभियान मंसिर ४ गतेसम्म चल्नेछ ।

मन्त्रालयका अनुसार मुटुको शल्यक्रिया गराएका वा औषधि सेवन गरिरहेका, मिर्गौला प्रत्यारोपण गराएका, डायलाइसिस गराइरहेका, जनुसुकै प्रकारको क्यान्सरको उपचार गराइरहेका, फोक्सोसम्बन्धी रोग, अङ्ग प्रत्यारोपण गरेका, उच्च रक्तचाप, मधुमेह भई उपचार गराइरहेकालाई फाइजर खोप लगाउन थालिएको छ ।

काठमाडौं उपत्यकाभित्र ८ र बाहिर १६ वटा गरी मुलुकको २४ वटा खोप केन्द्रबाट फाइजर खोप लगाउन थालिएको हो । काठमाडौंको सिभिल अस्पताल लगायत राजधानीका खोप केन्द्रमा पनि खोप लगाउन थालिएको छ ।

सिभिलमा अहिलेसम्म १२ बर्ष माथी का ५० जना दीर्घ रोगीले फाइजर खोप लगाइसकेका छन् । नेपालप्रेसकर्मी गौरव पौडेलले सिभिल अस्पतालमा फाइजर खोप लगाइरहेका व्यक्तिहरुको तस्बिर कैद गरेका छन् ।

हेर्नूस तस्बिरहरु :