प्युठानमा जीप दुर्घटना हुँदा एक जनाको मृत्यु

रूपन्देही । प्युठानको मल्लरानी गाउँपालिका–३ बुकेनीमा जीप दुर्घटना हुँदा एक जनाको मृत्यु भएको छ । आज बिहान भएको दुर्घटनामा २९ वर्षीय चालक गोरख पुनको घटनास्थलमै मृत्यु भएको हो ।

बुकेनीबाट खलङ्गाका लागि छुटेको रा १ ज १९९२ नम्बरको गाडीमा दुई जना रहेकामा सहचालक भने घाइते भएका छन्।

सहकचालक प्युठान नगरपालिका ४ बस्ने १६ वर्षीय विवेक नेपाली घाइते भएका हुन् । उपचारका लागि उनलाई प्युठान अस्पताल बिजुवार ल्याइएको प्रहरीले जनाएको छ ।