शुक्रबार ३९७ जना कोरोना संक्रमित थपिए, ३ जनाको मृत्यु

काठमाडौं । पछिल्लो २४ घण्टामा शुक्रबार मुलुकमा ३९७ जना नयाँ संक्रमित थपिएका छन् । स्वास्थ्य मन्त्रालयका अनुसार ११०६६ नमुना परीक्षण गर्दा ती संक्रमित थपिएका हुन् ।

सोही अवधिमा थप ३ जनाको कोभिड संक्रमणले मृत्यु भएको छ भने ३८९ जना निको भएका छन् ।

गत २४ घण्टामा ९३ हजार ६९५ जनाले कोभिडविरुद्ध खोप लगाएका छन् भने अहिलेसम्म सक्रिय संक्रमित संख्या ७४९८ छ ।

काठमाडौं र ललितपुरमा ५०० भन्दा सक्रिय संक्रमित रहेको मन्त्रालयले जनाएको छ । मुगु, हुम्ला र डोल्पामा संक्रमित संख्या शून्य छ ।

कूल संक्रमित संख्या ९ लाख भन्दा बढी छ भने ७ लाख भन्दा बढी संक्रमणमुक्त भएको तथ्यांकमा उल्लेख छ । कोरोना संक्रमणबाट मृत्यु हुनेको कूल संख्या ११ हजार ४६९ छ ।