कांग्रेस संस्थापनइतर समूहको बैठक बोलाइयो
काठमाडौं । नेपाली कांग्रेसका बरिष्ठ नेता रामचन्द्र पौडेलले आफूनिकट नेताहरूको बैठक बोलाएका छन् । आइतबार बस्ने केन्द्रीय समिति बैठकको तयारी गर्न भन्दै पौडेलले भोलि (शुक्रबार) दिउँसो आफूनिकट नेताहरूको बैठक बोलाएका हुन् ।
बसुन्धारास्थित दियालो फुडल्याण्डमा बोलाइएको बैठकमा संस्थापनइतर सूमहका पदाधिकारी र केन्द्रीय सदस्यहरुलाई बोलाइएको छ । आइतबार बस्ने कांग्रेस केन्द्रीय समिति बैठकले महाधिवेशन तयारीका लागि विभिन्न समितिहरू गठन गर्नेछ । संस्थापनइतर समूहमा सभापतिको साझा उम्मेदवार छान्न पनि दबाब बढ्दो छ । विहीबारको बैठकमा यस विषयमा पनि छलफल हुने बताइएको छ ।
कांग्रेस महाधिवेशन मंसिर २४ देखि २६ गतेसम्म काठमाडौंमा हुँदैछ । सभापति शेरबहादुर देउवाले पनि आज आफूनिकट नेताहरूसँग छलफल गरेका छन् ।