चीनको उत्तरपूर्वी सहरहरुमा ११६ वर्षयताकै भारी हिमपात (तस्बिरहरु)

बेइजिङ । चीनको उत्तर–पूर्वी क्षेत्रमा ११६ वर्षयताकै भारी हिमपात भएको छ । लिओनिङ प्रान्तको राजधानी शेनयाङमा औसत हिमपात २० इच्छसम्म हिउँ जमेको छ । सन् १९०५ यताकै उच्च हिमपात भएको सरकारी संचारमाध्यम सिन्ह्वाले जनाएको छ।

भित्री मंगोलियामा भारी हिमपातका कारण एकको मृत्यु भएको छ भने ५,६०० भन्दा बढी प्रभावित भएका छन्। भित्री मंगोलिया र चीनको उत्तर–पूर्वी सहरमा २७ रेड अलर्ट जारी गरिएको छ ।

आइतबारदेखि चीनको उत्तरपूर्वी क्षेत्रका केही भागहरुमा चिसोको लहर सुरु भएको थियो । त्यहाँको तापक्रम १४ डिग्रीमा झरेको छ । भारी हिमपातका कारण यातायात प्रभावित भएका छन् भने मंगलबार एक्सप्रेस–वे टोल स्टेशन बन्द भएका छन् । डालियान र डान्डोङ सहरहरू बाहेक ट्रेन र बस स्टेसनहरु बन्द भएका छन् ।

अधिकारीहरुका अनुसार अधिकांश मानिसहरु घरमा कोइलाको प्रयोग गरेर न्यानो भएर बसिरहेका छन् । बजार र किराना पसलहरूलाई खाद्यान्न आपूर्ति बढाई मूल्य घटाउन पनि आग्रह गरिएको छ ।

चीनको उत्तर पूर्वी क्षेत्रमा यसवर्ष हिमपातले बिजुलीबाट प्रभावित भएको छ । कोइलाले यसवर्ष ठूलो योगदान पुर्‍याएको स्थानीय सञ्चारमाध्यमहरूले जनाएका छन् । राष्ट्रपति सी जिनपिङले आगामी ९ वर्षमा कार्बन उत्सर्जनलाई शून्यमा झार्ने प्रतिबद्धता जनाएका छन् ।