शाकाहारी अनमोल बने मांशाहारी, २० किलो तौल बढाउन ननभेज आहार !

काठमाडौं । चरित्रमा डुब्न एउटा कलाकारले के-के मात्र गर्न सक्छ ? सबथोक । हुनसक्छ यही कारण अनमोल केसीले आफूलाई चरित्रअनुसार ढाल्ने प्रयास गरिरहेका छन् ।

आगामी प्रोजेक्ट ‘एक्स-नाइन’को लागि शाकाहारी अनमोल मांशाहारी बनेका छन् । ‘गाजलु’ फिल्म गरेपछि शाकाहारी बनेका अनमोल एक्स-९ लागि मांशाहारी बनेका छन् ।

यो फिल्मका लागि उनले आफ्नो तौल २० किलो बढाउनुपर्नेछ । तौल बढाउनको लागि उनले मासु खान थालेका हुन् । चरित्र अनुसार शरिरलाई सुगठित तुल्याउन उनले जिम पनि ज्वाइन गरेका छन् । जिम थालेसँगै प्रोटिनसहितका आहार खानुपर्ने भएपनि उनले मासु खान थालेका हुन् ।

उनले भने, ‘अहिले मैले चिकेन खाइरहेको छु । हुन त शाकाहारी भोजनबाट पनि तौल बढाउन नसकिने होइन । तर, मसँग निर्माण टीमले दिएको ४ महिनामात्र भएकाले मासु खाने निर्णय गरेको हुँ ।’

उनी भन्छन, ‘कर्म नै सबैभन्दा ठूलो धर्म रहेछ । कामकै कारण ६ वर्ष अगाडि छाडेको मासु मैले खाइरहेको छु ।’

तर, उनले फिल्मको छायांकन सकिएलगत्तै मासु खान सुरु गर्ने भएका छन् । आगामी फेब्रुअरीदेखि यो एक्सन-ड्रामाको छायांकन सुरु गर्ने निर्देशक मुुकुन्द भट्टको तयारी छ ।