बक्सअफिस : ‘सूर्यवंशी’ले पहिलो सप्ताहन्त नेपालमा कति कमायो ? – Nepal Press

बक्सअफिस : ‘सूर्यवंशी’ले पहिलो सप्ताहन्त नेपालमा कति कमायो ?

काठमाडौं । अक्षय कुमार-कट्रिना क्याफ स्टारर ‘सूर्यवंशी’ले पहिलो सप्ताहन्त नेपाली बक्सअफिसमा २ करोड ३३ लाख रुपैयाँ ग्रस कमाइ गरेको छ ।

मुलुकका सय हलबाट प्रदर्शनमा आएको फिल्मले पहिलो दिन शुक्रबार ७८ लाख, दोस्रो दिन शनिबार ८३ लाख र तेस्रो दिन आइतबार ७२ लाख ग्रस कमाइ गरेको विवरण नेपाल प्रेसलाई प्राप्त भएको छ ।

सरकारले ५० प्रतिशत अकुपेन्सीमा हल खुलाउन अनुमति दिएपनि रिलिज भएका हलहरु शतप्रतिशत अकुपेन्सीमै चलिरहेका छन् । चौंथो दिन सोमबार समेत फिल्मको अकुपेन्सी ६० देखि ७० प्रतिशतसहित स्थिर देखिएको छ ।

सूर्यवंशीको उक्त नेपाल कमाइमा झन्डै ९० प्रतिशत हिस्सा सहरी मल्टिप्लेक्सको छ । जसको आधा रिभेन्यू मात्र क्यूएफएक्सबाट प्राप्त भएको छ । कतिपय हल बन्द भएको र कतिपय ठाउँमा सामाजिक दूरीको नियमले गर्दा रिभेन्यू केही घटेको आंकलन गरिएको छ ।

पहिलो साताभित्रै फिल्मको कूल नेपाल ग्रस ३ करोड पुग्ने अनुमान छ । लामो समयपछि हल खुलेको र पारिवारिक दर्शकको घुइँचोको कारण व्यापारमा बढोत्तरी भएको हो ।

रोहित सेठ्ठी निर्देशित फिल्मले पहिलो सप्ताहन्त भारतीय बक्सअफिसमा ७७ करोड नेट कलेक्सन गरेको छ ।


प्रतिक्रिया

Leave a Reply

Your email address will not be published. Required fields are marked *