टेक्ससको सांगीतिक महोत्सवमा भागदौड हुँदा आठजनाको मृत्यु – Nepal Press

टेक्ससको सांगीतिक महोत्सवमा भागदौड हुँदा आठजनाको मृत्यु

टेक्सस । अमेरिकाको टेक्ससमा आयोजित एस्ट्रोवल्र्ड म्युजिक फेस्टिभलमा भागदौड हुँदा ८ जनाको मृत्यु भएको छ । घटनामा ३०० भन्दा बढी घाइते भएका छन् ।

ह्युस्टनका अग्निरक्षा प्रमुख सैमुअल पेनाका अनुसार उक्त घटना राती ९ बजे भएको थियो । उक्त घटना हुँदा र्‍यापर ट्राविस स्कटले प्रस्तुति दिइरहेका थिए ।

सन् २०१९ देखि उनले यो फेस्टिभल आयोजना गरिरहेका थिए । सो हेर्न करिब ५० हजार सहभागी थिए । केही मानिसहरु भाग्न थाले भने केही बेहोस भए ।

घटनामा मृत्यु भएकाहरुको शल्यक्रिया परीक्षण हुने भएको छ र मृत्युको कारणबारे अध्ययन हुने भएको छ । घाइते भएका ३०० मध्ये २३ जनालाई अस्पताल भर्ना गरिएको छ । फेस्टिभलमा सहभागी ११ जनालाई हृदयघात भएको भनिएको छ ।

फेस्टिभलमा प्रवेश गने ढोकामा निकै भीडभाड थियो । त्यहाँभित्र पस्न मानिसहरुले बारिकेड समेत तोडेका थिए । एकअर्कालाई धक्का दिँदै मानिसहरुले एकअर्कामाथि चढेर फेस्टिभल समेत हेरेका थिए ।


प्रतिक्रिया

Leave a Reply

Your email address will not be published. Required fields are marked *