गगन थापालाई विष्णु रिजालको जवाफ : चुनाव घोषणा गरौं, हिम्मत भए सिंगल-सिंगल भिडौं

काठमाडौं । नेकपा एमालेका केन्द्रीय सदस्य तथा डोल्पा जिल्ला इन्चार्ज विष्णु रिजालले कांग्रेससँग हिम्मत भए चुनाव घोषणा गरेर सिंगल–सिंगल भिड्न चुनौति दिएका छन् ।

कांग्रेस नेता गगन थापाले सिंगल–सिंगल भिडेर एमालेलाई कुचो र भ्याकुम लगाएर बढार्ने बताएका थिए । त्यसलाई जवाफ दिदै एमाले विदेश विभाग उपप्रमुख समेत रहेका रिजालले विगतमा एमाले मुक्त देश बनाउने भनेका विमलेन्द्र निधी आफैं मधेशमुक्त भएको भन्दै गगन थापाको चुनौति पनि स्वीकार्य रहेको बताएका छन् ।

रिजालले भने– हिले फेरि कांग्रेस सरकारमा हुँदा गगन थापाजीले ‘चुनावमा एमालेलाई कुचो र भ्याकुम लगाएर बढार्छौं’ भनेछन् । अध्यादेश ल्याएर एमाले फुटाउँदा पनि यसलाई हराउन सकिंदैन भन्ने हतासा यसैबाट स्पष्ट हुन्छ । हाम्रो चुनौती छ९ चुनाव घोषणा गरौं र हिम्मत छ भने ‘सिंगल९सिंगल’ भिडौं । अन्यथा सार्वजनिक खपतका लागि गरिने यस्ता उत्तेजक भाषणले हामीलाई रौं बराबर फरक पार्दैन भन्ने बुझे हुन्छ ।