सुवर्ण र उषाको फिल्म ‘कठ्पुतली’ मोसन पोस्टर लन्च, यसैवर्षको विन्टरमा प्रदर्शन तयारी

काठमाडौं । सुवर्ण थापा र उषा रजकको मुख्य भूमिका रहेको फिल्म ‘कठ्पुतली’को मोसन पोस्टर लन्च भएको छ । पश्चिमी मुलुकहरुमा मनाइने हलोविनको अवसरमा पोस्टर सार्वजनिक भएको हो ।

थ्रीलर पाश्र्वध्वनी र दृश्य प्रस्तुत गरिएको पोस्टरले दर्शकमा त्रास सिर्जना गर्ने प्रयास गरेको छ । पृष्ठभूमिमा एक महीलाको कर्कश आवाज र समावेश छ । मोसन पोस्टरले दर्शकमा कौतुहलता जगाउने आशा राखिएको छ ।

भीमसेन लामा निर्देशित फिल्मको प्रदर्शन मिति सार्वजनिक भएको छैन । आगामी पुस, माघतिर फिल्म प्रदर्शनको लक्ष्य राखिएको छ । निर्देशक लामाले यसलाई आफ्नो स्वप्न प्रोजेक्ट भएको बताएका छन् ।

लन्डन स्टूडियोमा भएको फिल्मको पोस्टप्रोडक्सन आकर्षक देखिन्छ । गौरी मल्ल, मिथिला शर्मा, कार्मा, शिल्पा मास्केको समेत फिल्ममा मुख्य भूमिका छ । सिनेमटोग्राफर जोएल फ्रुमले अष्ट्रेलियन सिनेमटोग्राफर सोसाइटीले प्रदान गर्ने अवार्डमा उत्कृष्ट छायांकार अवार्ड पनि जितेका छन् ।