आजदेखि ६० मुलुकका पर्यटकलाई थाइल्यान्ड खुला, खोप लगाएकालाई क्वारेन्टिन बस्नुनपर्ने – Nepal Press

आजदेखि ६० मुलुकका पर्यटकलाई थाइल्यान्ड खुला, खोप लगाएकालाई क्वारेन्टिन बस्नुनपर्ने

बैंकक । कोरोनाभाइरस महामारीले बन्द रहेको थाइल्यान्डको पर्यटन आजदेखि खुला भएको छ । १८ महीनासम्म ठप्प रहेको यहाँ आज दशौं हजार पर्यटक आउने अपेक्षा गरिएको छ ।

पूर्ण डोज खोप लगाइसकेका कोरोना संक्रमणको जोखिम कम रहेका ६० मुलुकका पर्यटकलाई होटल क्वारेन्टिनबिनै प्रवेशको अनुमति दिइएको छ । आउने वर्ष १५ मिलियन पर्यटक आउने र ३० बिलियन डलर कमाइ हुने प्रक्षेपण थाइ सरकारले गरेको छ ।

तरपनि अझै कतिपय मुलुकलाई प्रतिबन्ध लगाइएको छ । ४२ प्रतिशत थाइ नागरिकले खोप लगाइसकेका छन् । अहिले पनि थाइल्यान्डमा दैनिकजसो १० हजार कोरोना संक्रमित थपिने गरेका छन् ।

‘यसले हामीलाई केही भएपनि आशा उज्यालो दिएको छ । दुईवर्ष सम्म हामी काम गर्न सक्षम भएनौं’ पथ प्रदर्शक चैयागोर्न बुन्यापाकले बीबीसीलाई भने ।

तर, पनि उनका अन्य पथप्रदर्शक साथीहरुलाई भने कम्पनीहरुले अहिलेसम्म सम्पर्क गरेका छैनन् । कोरोनाभाइरस महामारीअघि थाइल्यान्ड वार्षिक ४० मिलियन पर्यटक पुग्थे । गतवर्ष पर्यटक आगमनमा ८० प्रतिशतले कमी आएको थियो ।

बेलायत, चीन, चापान, अमेरिका र अधिकांश युरोपेली मुलुकका पर्यटकलाई फुकेट र ब्यांककका पर्यटकीय स्थल खुला गरिएको छ । सरकारले सन् २०२३ सम्म महमारी अगाडिकै स्थितीमा पर्यटनबाट प्राप्त हुने राजस्व पुग्ने आंकलन गरेको छ ।


प्रतिक्रिया

Leave a Reply

Your email address will not be published. Required fields are marked *