मोदी र पोपबीच भेटवार्ता : पोपलाई भारत भ्रमणको निम्तो

रोम । भारतीय प्रधानमन्त्री नरेन्द्र मोदीले इसाइ धर्मगुरु पोप फ्रान्सिसलाई शनिबार भ्याटिकन सिटीमा भेटेका छन् । सो अवसरमा मोदीले पोपलाई भारत भ्रमणको निम्तो समेत दिए ।

मोदी र पोप फ्रान्सिसबीचको भेटमा भारतीय राष्ट्रिय सुरक्षा सल्लाहकार अजित डोभल र भारतीय विदेशमन्त्री एस जयशंकर समेत उपस्थित थिए । समाचार संस्था पीटीआइका अनुसार २० मिनेटको भेट भएपनि एक घण्टासम्म्मै भएको थियो ।

‘पोप फ्रान्सिससँग निकै आत्मीय भेट भयो । बृहत क्षेत्रका विषयमा उनीसँग कुरा गर्ने मौका पाएँ र भारत भ्रमणको निम्तो समेत दिएको छु’ मोदीले भेटपछि ट्वीटमार्फत भनेका छन् ।

स्रोतका अनुसार मोदी र पोपको भेटमा जलवायु संकटसँग लड्ने र गरिबी हटाउने विषयमा छलफल भएको थियो । जी-२० को दुई दिने सम्मेलनको लागि मोदी रोम पुगेका हुन् ।