प्रधानन्यायाधीशसँग असन्तुष्ट १५ न्यायाधीशको बैठक ‘हेर्दा हेर्दैमा’

काठमाडौं । प्रधानन्यायाधीशविरुद्ध सक्रिय सर्वोच्च अदालतका न्यायाधीशहरुको आजको वैठक बिनानिष्कर्ष सकिएको छ । भोली फेरि बैठक बस्ने गरी निर्णय लिएर उनीहरू उठेको स्रोतले बतायो ।

आज प्रधानन्यायधीससँग असन्तुष्ट न्यायाधीशहरूको समूहले भेट गरेको थियो । भेटमा उनीहरूले प्रधानन्यायाधीशलाई मार्गप्रशस्त गर्न औपचारिक आग्रह गरेका थिए । तर, प्रधानन्याधीशले ‘प्रश्न उठेका सबै न्यायाधीशले राजीनामा दिने भए आफू पनि तयार रहेको’ घुमाउरो जवाफ दिएर फर्काइदिए ।

उक्त भेटघाटपछि १५ जना न्यायाधीशहरु फेरि छुट्टै छलफलमा बसेका थिए । उक्त गोप्य छलफल कुनै टुंगोमा पुग्न नसकेको स्रोतले बतायो । अदालती भाषामा आजको बैठक ‘हेर्दा हेर्दैमा’ थाती राखिएको छ । न्यायाधीसहरुले राजीनामाको मागबाट भने पछि नहट्ने बताएका छन् ।