नासाले आगामी फेब्रुअरीमा चन्द्रमामा मानवरहित यान पठाउने

काठमाडौं । अमेरिकी अन्तरीक्ष नियोग नासाले सन् २०२२ को मध्य फेब्रुअरीमा अन्तरीक्ष यान चन्द्रमातर्फ पठाउने भएको छ ।

यो यान चन्द्रमाको सतहमा पुगेर पृथ्वीमा फर्कने नासाले जनाएको छ । आयोजित पत्रकार सम्मेलनमा दशककै सबैभन्दा ठूलो रकेटमार्फत यान प्रक्षेपण गर्न लागिएको जनाइयो ।

फेब्रुअरी १२ मा उडान भर्ने उक्त मानवरहित यान दुई सातामा पृथ्वीमा फर्कने जनाइएको छ । हजारौं प्रकाशवर्ष टाढाको अन्तरीक्षमा उडान भर्न सक्ने लफ्ट ओरिएन नामक क्याप्सुललाई नासाले चन्द्रमामा पठाउन लागेको हो ।

चन्द्रमाको कक्षलाई परिक्रमा गरेर यो यान पृथ्वीमा फर्कने भनिएको छ । ‘उडानको बाहिरी भागको निर्माण सम्पन्न भएपछि हामी उडान भर्न सक्षम हुनेछौं’ नासाको मिसन म्यानेजर माइक साराफिनले भने ।