बार्बाडोसले बेलायती रानीलाई नमान्ने, पहिलो महिला राष्ट्रपति निर्वाचित – Nepal Press

बार्बाडोसले बेलायती रानीलाई नमान्ने, पहिलो महिला राष्ट्रपति निर्वाचित

काठमाडौं । बारबाडोसले बेलायती राजतन्त्र नमान्ने भएको छ । रानी एलिजाबेथ र राजतन्त्रलाई विस्थापित गर्दै उक्त मुलुकले पहिलोपटक महिला राष्ट्रपति निर्वाचित गरेको छ ।

क्यारेबियन टापुको यो मुलुकले उपनिवेशकालदेखि रहेको बेलायती शासनलाई अन्त्य गरेको हो ।

बुधबार मुलुकका तल्लो र माथिल्लो दुबै सदनको दुई तिहाइ बहुमतबाट सान्ड्रा मेसन राष्ट्रपतिमा निर्वाचित भएकी छिन् । बार्बाडोस सरकारले यो परिवर्तनलाई उपलब्धीको रुपमा चर्चा गर्दै गणतन्त्रतर्फको यात्रा सुरु भएको बताएको छ ।

बेलायती उपनिवेश रहेको बार्बाडोस सन् १९६६ मा बेलायती उपनिवेशबाट मुक्त भएको थियो । यहाँको जनसंख्या ३ लाखभन्दा कम छ । पछिल्ला वर्षमा पूर्ण सार्वभौमसत्ता र मुलुकभित्रैको नेतृत्व चयन हुनुपर्ने चर्को आवाज उठिरहेको थियो ।

नोभेम्बर ३० मा राष्ट्रपतिमा निर्वाचित ७२ वर्षिया म्यासनले सपथ ग्रहण गर्नेछिन् । सो दिनमा बार्बाडोसले बेलायती उपनिवेश भएको अवसरमा ५५ औं स्वतन्त्रता दिवस मनाउँदैछ ।

 

प्रतिक्रिया

Leave a Reply

Your email address will not be published. Required fields are marked *

सम्बन्धित खवर