नेपालमा १ करोड ५० लाख भन्दा बढीले लगाए कोरोना खोप – Nepal Press

नेपालमा १ करोड ५० लाख भन्दा बढीले लगाए कोरोना खोप

काठमाडौं । नेपालमा अहिलेसम्म कोभिड-१९ विरुद्धको खोप १ करोड ५० लाख भन्दा बढीले लगाएका छन् । स्वास्थ्य तथा जनसंख्या मन्त्रालयले सार्वजनिक गरेको विवरण अनुसार हालसम्म १ करोड ५० लाख ४८ हजार २८८ डोज खोप लगाइएको छ ।

यसमध्ये ६४ लाख ८५ हजार ९२३ जनाले पूर्ण मात्रा खोप लगाइसकेका छन् भने एक डोज ८५ लाख ६२ हजार ३६५ जनाले लगाएका छन् ।

मन्त्रालयका अनुसार कुल जनसंख्यामा २१ प्रतिशत भन्दा बढीले पूर्ण मात्रा खोप लगाइसकेका छन् र २८ प्रतिशत बढीले पहिलो मात्रा लगाएका छन् ।

१८ वर्ष माथिका ४३ प्रतिशतले पहिलो डोज र ३२.६ प्रतिशतले पूर्ण डोज खोप लगाएको तथ्यांकमा उल्लेख छ । सरकारले १५ वर्ष माथिका २ करोड भन्दा बढीलाई कोरोनाभाइरस विरुद्धको खोप लगाउन लक्ष्य लिएको छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर