पूर्वी तराईका नदीमा पानीको बहाव बढ्न सक्ने

काठमाडौं । पछिल्लो ६ घण्टादेखि पूर्वी तराई क्षेत्रमा भारी वर्षा भइरहेकाले नदीहरुमा आकस्मिक पानीको बहाव बढ्न सक्ने मौसम पूर्वानुमान महाशाखाले जनाएको छ।

निरन्तर पानी परिरहेकाले तटीय क्षेत्र र होचा भूभागमा बसोबास गरिरहेका र यात्रा गर्नेलाई सावधानी अपनाउन महाशाखाले आग्रह गरेको छ ।

मौसमी प्रणालीको प्रभावले हाल देशको अधिकांश भू–भागमा भारी वर्षा भइरहेको छ । नेपालमा अझै केही दिन पानी पर्ने महाशाखाले जनाएको छ ।