मोहम्मद जयन्ती मनाउन मुस्लिम समुदायलाई भोली सार्वजनिक बिदा

काठमाडौं । सरकारले भोली कात्तिक २ गते मुस्लिम समुदायलाई सार्वजनिक विदा दिएको छ । मोहम्मद जयन्ती १४९६ को अवसरमा सार्वजनिक बिदा दिने निर्णय मन्त्रीपरिषद्ले गरेको सरकारका प्रवक्ता तथा सञ्चारमन्त्री ज्ञानेन्द्रबहादुर कार्कीले जानकारी दिए ।

साउदी अरेबियामा जन्मेका मोहम्मद इस्लाम धर्मका संस्थापक हुन् । उनको जन्म मक्कामा ५७० एडीमा भएको थियो भने मृत्यू मक्कामा ६३२ जून ८ मा भएका थियो । विश्वभर झण्डै २ अर्ब मुस्लिमहरु छन् । नेपालमा मुस्लिम जनसंख्या करिब १२ लाख रहेको छ, जुन कुल जनसंख्याको ४।४ प्रतिशत हो ।