एमाले निकट बुद्धिजिवी परिषद् जेठ २ मा फर्कियो, पदाधिकारी हेरफेर (सूचीसहित) – Nepal Press

एमाले निकट बुद्धिजिवी परिषद् जेठ २ मा फर्कियो, पदाधिकारी हेरफेर (सूचीसहित)

काठमाडौं । नेकपा एमाले आबद्ध बुद्धिजिवीहरुको संगठन राष्ट्रिय बुद्धिजिवी परिषद् पार्टी एकताको १० बुँदे सहमति बमोजिम जेठ २ को संरचनामा फर्किएको छ ।

शुक्रबार र शनिबार काठमाडौंमा भएको राष्ट्रिय भेलाले नेकपा एकता प्रक्रियापछि माओवादीबाट एमालेमै बसेकाहरुलाई समेत समेटेर नेतृत्वमा हेरफेर गरिएको हो ।

संगठनको अध्यक्षमा जेठ २ अघिकै डा.दिनेशचन्द्र देवकोटा पुनर्वहाली भएका छन् । उनी यसअघि माधव नेपाल समूहमा थिए । माधव नेपाल समूहमा लागेका महासचिव शिवशंकर घिमिरेलाई कारवाही गरेर इन्जिनियर गजेन्द्र थपलियालाई महासचिवको जिम्मेवारी दिइएको छ ।

थपलिया केपी शर्मा ओली नेतृत्वको सरकारमा विकास मामिला विज्ञ थिए । त्यस्तै कोषाध्यक्षको जिम्मेवारी गोपी न्यौपानेले पाएका छन् । न्यौपाने उदयपुर सिमेन्ट उद्योगको महाप्रबन्धक हुन् ।

यसअघि ८३ सदस्यीय रहेको केन्द्रीय समितिमा एकताबाट आएका १० प्रतिशत थप्नेगरि ९१ सदस्यीय बनाइएको महासचिव थपलियाले जानकारी दिए । उनका अनुसार २६ सदस्यीय सचिवालय गठन भएको छ र त्यसबाटै बाँकी पदाधिकारी चयन हुनेछन् ।

माधव नेपालतिर लागेका बरिष्ठ उपाध्यक्ष लक्ष्मण कुँवरसहित उपाध्यक्षहरु शिवशंकर घिमिरे,कलावती जोशी सहित १० जनालाई कारवाही गरिएको उनले बताए ।

संगठनको उपाध्यक्षमा जेठ २ अघिकै मदन कोइराला,बासुदेव अर्याल,लिलाधर तिवारी,कविता लुइटेल र पीबी गोले कायम भएका छन् भने अन्य सचिवालयबाट चयन हुनेछन् ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर