पौडेल पक्षको बैठक बस्दै, मन्त्रीबारे छलफल हुने – Nepal Press

पौडेल पक्षको बैठक बस्दै, मन्त्रीबारे छलफल हुने

काठमाडौं । सरकारमा सहभागी हुने मन्त्रीबारे छलफल गर्न नेपाली कांग्रेसका वरिष्ठ नेता रामचन्द्र पौडेलले आफ्नो समूहका नेताहरूको बैठक आज बोलाएका छन् । दिउँसो २ बजेपछि पौडेलनिवास बोहराटारमा बस्ने बैठकमा कांग्रेसले पाउने मन्त्रालयको संख्या र त्यसमा पनि आफ्नो समूहबाट हुने प्रतिनिधित्वबारे छलफल हुने जनाइएको छ ।

बैठकमा महामन्त्री डा. शशांक कोइराला, पूर्वमहामन्त्री प्रकाशमान सिंह, नेताहरू डा. रामशरण महत, अर्जुननरसिंह केसी, डा. मिनेन्द्र रिजाललगायतलाई बोलाइएको छ ।

पौडेल पक्षले सरकारमा २ वटामात्रै मन्त्रालय पाउने सम्भावना रहेको छ । सभापति एवं प्रधानमन्त्री देउवाले मन्त्रिपरिषद् विस्तारमा एकपक्षीय निर्णय गरेको भन्दै पौडेल पक्ष असन्तुष्ट रहँदै आएका थियो ।

सत्तारुढ गठबन्धनमा मन्त्रालयको भागबण्डा टुंगिएसँगै पौडेल पक्षले आन्तरिक तयारी थालेको हो । पौडेल पक्षमा डा. मिनेन्द्र रिजाल, दिलेन्द्रप्रसाद बडु, तेजुलाल चौधरी, राजन केसी, सञ्जय गौतमलगायतको नाम मन्त्रीका लागि चर्चामा रहेको छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर