शनिवार ८ सय संक्रमित थपिए, ९ जनाको मृत्यु

काठमाडौं । पछिल्लो २४ घण्टामा मुलुकमा ८६७ जना कोभिड बिरामी थपिएका छन् । ८ हजार २१९ नमुना (पीसीआर ५५९८ र २६२१ एन्टीजेन) परीक्षण गर्दा ती संक्रमित थपिएका हुन् ।

सोही अवधिमा थप ९ जनाको मृत्यु भएको छ । १,१२३ जना निको भएका छन् । मुलुकमा सक्रिय संक्रमित संख्या १७ हजार ६४२ पुगेको छ ।

पछिल्लो २४ घण्टामा ८३ हजार ३७३ जनालाई कोभिडविरुद्धको खोप लगाइएको छ । शनिवारको दैनिक संक्रमण दर १० प्रतिशत भन्दा बढी छ ।

काठमाडौंमा १६४, ललितपुरमा ६५, भक्तपुरमा २६, कास्कीमा ३८, मोरङमा ४६, झापामा ५०, रुपन्देहीमा ३७ जना संक्रमित थपिएका छन् । ९ जिल्लामा मात्र सक्रिय संक्रमित संख्या ५०० भन्दा बढी छ ।

कूल संक्रमित संख्या ७ लाख ९६ हजार, कूल मृत्यु ११ हजार १५७ र कूल निको हुने संख्या ७ लाख ९६ हजार पुगेको छ ।