काठमाडौं महानगरमा कांग्रेसको अधिवेशन

काठमाडौं । नेपाली कांग्रेसको १४ औं महाधिवेशन अन्तर्गत आज काठमाडौं जिल्लामा पालिका अधिवेशन प्रक्रिया सुरु भएको छ ।

काठमाडौं महानगरको अधिवेशनको पूर्व महामन्त्री प्रकाशमान सिंहले उद्घाटन गरेका छन् । उद्घाटनमा नेताहरु गगन थापा, ध्यानगोविन्द रञ्जित, भीमसेनदास प्रधान, तीर्थमान डंगोल, उपमेयर हरिप्रभा खड्गी लगायत उपस्थित छन् ।

काठमाडौं महानगरको नेतृत्वका लागि प्रकाशमान–गगन टिमबाट नीलकाजी शाक्य र संस्थापन पक्षबाट प्रगतिमान रञ्जित प्रतिस्पर्धामा छन् । रञ्जितलाई काठमाडौं कांगे्रसका पूर्व सभापति भीमसेनदास प्रधान र तीर्थराम डंगोलको पनि समर्थन रहेको बताइन्छ ।

उद्घाटन सत्र सकिएपछि आजै उम्मेदवारी दर्ता र मतदानको प्रक्रिया सुरु गर्ने तयारी निर्वाचन समितिले गरेको छ ।