ईपीएल : विराटनगरका लागि मुनाविराको अर्धशतक

काठमाडौं । एभरेष्ट प्रिमियर लिग (ईपीएल) मा ललितपुर प्याट्रिओट्सले दिएको २ सय २७ रनको लक्ष्य पछ्याइरहेको विराटनगर वारियर्सका लागि श्रीलंकाली खेलाडी दिल्शन मुनाविराले अर्धशतक बनाएका छन् ।

विराटनगरका लागि वान् डाउनमा क्रिजमा उत्रिएका मुनाविराले ३३ बलमा ५ चौका र ३ छक्कासहित अर्धशतक पूरा गरेका हुन् । यसअघि चन्द्रपौल हेमराज र आशिफ शेखले पहिलो विकेटका लागि ५० रनको साझेदारी गरेका थिए । त्यस्तै, आशिफले र मुनाविरासँग ५५ रनको साझेदारी गर्दै ३० बलमा ६ चौकासहित ३७ रन बनाएर पेभेलियन फर्केका थिए ।

मुनाविराले १३.१ ओभरमा एक रन जोड्दै आफ्नो अर्धशतक पूरा गरेका हुन् । अहिले विराटनगर १३.२ ओभरको खेल सकिँदा १३९/२ को अवस्थामा ब्याटिङ गरिरहेको छ ।

जितका लागि विराटनगरलाई ४० बलमा ८८ रनको आवश्यकता छ । आजको खेलमा साविक विजेता ललितपुरले ईपीएलकै सर्वाधिक ठूलो योगफल तयार गरेको हो ।