नेपाली फेसन डिजाइनरको गाउनमा आइफल टावर अगाडि प्रियंका

पेरिस । प्रियंका चोपडा र प्रबल गुरुङको सम्बन्ध नयाँ होइन । प्रबल प्रियंकाका रुचाइनेमध्येका एक फेसन डिजाइनर हुन् । प्रबलकै डिजाइनमा प्रियंकाले केही ग्लोबल स्टेजमा आफ्नो सौन्दर्य पस्किएकी छिन् ।

आइतबार विश्व फेसनको सहर मानिने पेरिसमा प्रियंकाको ड्रेसअप पुनः चर्चाको विषय बन्यो । पृथ्वीको रङसँग मिल्ने वातावरणमैत्री कन्सेप्टमा प्रबलले तयार पारेको कस्ट्युम लगाएर प्रियंकाले पेरिसमा आयोजित ग्लोबल सिटिजन इभेन्टमा भाग लिएकी छिन् ।

यति मात्रै होइन, प्रियंकाले आइकोनिक आइफल टावर अगाडि प्रबलको डिजाइनमा फोटोसुट समेत गराइन् । ३९ वर्षिया म्याट्रिक्स चार स्टार प्रियंकाले उक्त इभेन्टमा प्रबलकै डिजाइन लगाएर सहभागिता जनाइन् ।

स्प्रिङ २०२२ को लाइनमा प्रबलले तयार पारेको उक्त गाइन हरियो र नीलो रङमा डिजाइन भएको छ र पातहरु समेत बुनिएको छ । आफ्नो डिजाइन लगाएकी प्रियंकालाई इन्स्टाग्राममार्फत प्रबलले धन्यवाद दिएका छन् ।